वीरगञ्जस्थित प्रहरीले पर्साको सखुवा प्रसौनी गाउँपालिका–६ लखनपुर चोकबाट १० वटा भैंसीका पाडोसहित एउटा बोलेरो गाडी र त्यसमा सवार तीन जनालाई नियन्त्रणमा लिएको छ ।
इलाका प्रहरी कार्यालय पोखरिया बाट प्रहरी निरीक्षक प्रदीप पौडेल को कमाण्डमा खटिएको अपरेशन टोलीले आइतबार राति करिब १ः४५ बजे पश्चिमबाट पूर्वतर्फ आउँदै गरेको प्रदेश ०२–०३–००१ च ४००३ नम्बरको बोलेरो गाडी जाँच गर्ने क्रममा बिना बिलबिजकका १० वटा भैंसीका पाडो फेला पारेको थियो ।
प्रहरीले गाडी चालक विजय शर्मा सहित तीन जनालाई नियन्त्रणमा लिएको जनाएको छ । पक्राउ पर्ने अन्यमा बिकरमा राउत कुर्मी र होडा देवान रहेका छन् ।
प्रहरीका अनुसार नियन्त्रणमा लिइएका भैंसीका पाडो, बोलेरो गाडी तथा तीनै जनालाई आवश्यक कानुनी कारबाहीका लागि भन्सार कार्यालय वीरगञ्ज पठाइएको छ ।
प्रहरी निरीक्षक प्रदीप पौडेलले घटनाबारे थप अनुसन्धान भइरहेको जानकारी दिएका छन् ।
टिप्पणी