काठमाडौं, चैत ७— नेपाल प्रहरीको लागुऔषध नियन्त्रण ब्युरोले दुई फरक घटनामा एक भारतीय नागरिकसहित पाँच जनालाई पक्राउ गरेको छ।
प्रहरी प्रवक्ता दुर्गाराज रेग्मीका अनुसार ललितपुरबाट ३८ वर्षीया कल्पना तामाङलाई २ केजी ३०० ग्राम चरेस तथा डिजिटल तराजुसहित पक्राउ गरिएको हो।
त्यस्तै, अर्को घटनामा काठमाडौं महानगरपालिका–१५ स्थित कारखाना चोकबाट तीन जनालाई ३७ ग्राम ४०० मिलिग्राम खैरो हेरोइनसहित नियन्त्रणमा लिइएको छ।
अनुसन्धानका क्रममा भारतको बिहारबाट लागूऔषध ल्याउने २५ वर्षीय विपुल बर्मालाई समेत पक्राउ गरिएको प्रहरीले जनाएको छ।
प्रहरीले पक्राउ परेकामाथि थप अनुसन्धान भइरहेको जानकारी दिएको छ।
टिप्पणी